(( ساعة الصفر )) قصيدة للشاعر احمد السديري


(( ساعة الصفر )) قصيدة للشاعر احمد السديري



أضواء - مطيران النمس - عرعر :

ساعة الصفر

كــان الـــولا محتـاج له حلــــف واثبــــات
                               حنـــا مــــن اول دون هـــذي مــوالايــــن
الروح مــــــرهــــونه بــوقـــت المهمــــات
                              لأهل الوطـــــن والدار بــــارقـابنـــا ديــــن
قل للمشكــك ساعــة الصفـــر بالــــذات
                                يشــوف شــيٍ مـــا يســـر المعـاديـــــن
وانـــا شمــالــي قلـب والقلـب ساعـــات
                             تزيــد دقـاتــــــــه بـــلا مــوعـــد وحـيــــن
املــك علــوم الفلسفــه والسيـــاســـات
                           واعـــرف حقوق الجار هو والخوي زيـــــن
واللي عبث بالنار واغصـــــانــه شـتــــات
                            تقصر حبالــه عــن ديـــــــار الميــامـيـــن
ضاقـــت بـه الدنيــا بكــــل المســاحـــات
                              وقـام يتلفــت واخــذلــــتــه المـــوازيــــن
سمـح بـأرضـــه للـفـــــتـــن والضـــلالات
                               وابليس سـووله علـــى فعلــه الشـيـــن
وفي رايـة التوحيــد جــــــونــا عصـابـــات
                             زمرت هل الفتنـه وحـــزب الشيـاطـيـــن
وتوحيدنا ماقــد ذكـــــــر بـــه جمـاعـــات
                           تذبــح وتنحـــر بالبشــــــر والمصلــيــــن
اقوى حروب العولمـه يـــــا عـرب ســـات
                            حــرب العقيــده يــا جمـــوع الملايـيــــن
والمملكه ارضــي ومهـــــد الــرســـالات
                           هي مهبـــط التوحيـد قبلة هـل الـديــــن
الله حـــامــيـهــا بـــكـــل اتـجـــاهـــــات
                            وفـوق ارضها شـعـبٍ مــثــقـف وواعين
ولو ثارت الاحـداث تبـقـــى سـلامــــات
                             في ظل اخو نورة زعيم الســلاطــيــــن
حبه لحالـه بانــيــــن لـــه عـــمــــارات
                            وحب الوطن بالراس والصـــدر والعيـــن
وتدرون ليش تزيـد بالــقلـــب نبضــــات
                               المملكه مــن دونــهـا تقطـــع يـــديــــن

احمد السديري
@Ahmadalsodiri


3 التعليقات

    1. 1
      االعنزي

      صح لسانك ابومروي …
      دائما ماتشبعنا شعرا ونثرا وجمالا …
      دمت اخا عزيزا …

      الرد
    2. 2
      حمد بن فريج المعتق

      صح لسانك ابن حسن فعلا لاشك ولاريب حنا هل الدار وحنا هل الدين
      قصيدة جزلة من شاعر جزل
      الله يحفظك………….. ابو فراس

      الرد
    3. 3
      راشد الفرج

      صح لسانك مبدع كما عهدناك

      كفو ونعم فيك والله يكثر من أمثالك

      يستاهل هذا الوطن منا كل الحب والتقدير

      ( فنحارب كلنا لأجله )

      للـوطـن فقلوبنا عشق وهـيام
      نـفـتدي أرضــه بـدم أروحـنا

      المـهـم يعـيش بـأمـان وسـلام
      لو نموت نشوف نزف جراحنا

      يعجـز التعبـير عــنه بالـكـلام
      هـو سبـايب عـزنـا وأفـراحـنا

      الرد

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *