قصيدة بمناسبة اليوم الوطني 82


قصيدة بمناسبة اليوم الوطني 82



قيلت هذه القصيدة بمناسبة اليوم الوطني الثاني والثمانون للمملكة العربية السعودية

ياراية العز شعبك للوطن وافي … بيومه يضمّه غلا ويقبّل ترابه
وطن غذانا عطا من حبه الصافي … وحنا نصونه وفا حرّاس لبوابه
نشرب زلالك حلا يالبلسم الشافي … ونخلد بعيشة رغد والأمن نهنابه
مافيه مثلك وطن في كل الأطرافي … تخضع لرايه دول وتحسّب حسابه
قلب العروبه نبض بالعدل وانصافي … يحكم بشرع الولي ويطبّق كتابه
مهبط رسالة وحي لكل الأطيافي … نور ٍ تجلّى وسطع بمكه ومحرابه
خيره يمدّه رخا من جوّه الدّافي … يجود كلّه صخا وابنائه أحبابه
بقلوب جنده رقا في كل مشرافي … لين اعتلى قمة الإخلاص واعجابه
نعشق ثراها طهر بقلوب ٍ نظافي .. نموت دونه فدا مايدنّس ترابه
حنّا سلايل فخر من دور الأسلافي … شعب ٍ سعودي صعد للمجد وهضابه
والحمدلله عطا ومأسسه نافي … عقول كل البشر لين الوطن جابه
اليا تكلّم صدق وفي صمته انصافي … فعله يجلّه غلا ويكمّل نصابه
وحّد شعوب ٍ بعد ماكانت خلافي … جمع شتاته رضا للعز عدّابه
صقر الجزيرة شهر بالمرجلة وافي … الخير في مقدمه وفعله بمخلابه
وأسس لشعبه وطن ياوسعه الضافي … صرح ٍ يشيّد فخر وأسمه تعزوابه
عبدالعزيز التقا من النون للكافي … عساه في جنّة الفردوس واصحابه
وخلّف ملوك ٍ أتت من بعده اشرافي … سارو على منهجه بخطّه ومسرابه
لين أصبحت دولة التوحيد بريافي … تسعد بحكم ٍ عدل وحنّا سعدنابه
والله يحفظ الوطن في كل ميقافي … ويحفظ لنا ديرة ٍ اخوان عشنا به
ويطيل عمر الملك ويبقيه متعافي … ويحفظ لنا حكمته وقلب ٍ تحلّا به

وللإستماع للقصيدة صوتيا بصوت الشاعر تفضل بالضغط على الرابط أدناه
http://www.adhwa.sa/islam/upload/alyom-alwatni82.zip


[LEFT]
الشاعر / مشعل هدوان رشيد المصرب العنزي
إدارة التربية والتعليم بمنطقة عرعر
[/LEFT]


أضف تعليقاً