( أنا سوريـا الحـــرّه )


( أنا سوريـا الحـــرّه )



( أنا سوريـا الحـــرّه )

[JUSTIFY]
تسيربي الأقدار والخلق في نومها غطّاس .. أبحث عن الأنس وين ألقى مضامينه
يافاهمه دخت من هم ٍ كثير احساس .. يودّيني شعوري يم جنّة بساتينه
سألت العاقل الواعي دخيله يبحث الوسواس .. عساه يعجّل علاجي لأني من مجانينه
سألته وش بلا عيني علامه مايجيني نعاس .. حدتني وحدة الخلوة أداعب رمشي بعينه
غدتبي وحدة الخاطر أسير الهم والوسواس .. سجنّي قلّت التوفيق جعلني من مساجينه
طموحي عالم ٍ فاني دليلي دقّت الاجراس .. أغنّي بصوتي المبحوح على كيفه وتلحينه
حرمني من صفا شمسي شربته علقم ٍ بالكاس .. حرمني عن طموح النفس أقنعني براهينه
حسافه كيف يخدعني وأنا الأعرف بمكر الناس .. حسبته مسلم مصلي وان ديني على دينه
شهر سيفه بوجه الحق مشا درب الخنا وانجاس .. ضرب بالخوّه الحايط تصفق له مساكينه
سلب كرامة المسلم هتك عرض العرب بدناس .. شرب من دم ٍ محرّم سحبها من شرايينه
عرفته بإسمه القوة طلع فارة خبيثة راس .. جبان وحط شيطان ٍ قريب ومن معاوينه
أنا سوريّا الحرّه عروبه ياعريبة ساس .. ظلمني وقتي المايل وغيرّبي عناوينه
أسماني بإسمه الفاين جعلني عرقه الدسّاس .. بكيت ودعوتي يالله تبدّل كربتي لينه
أنا مابكي على الدنيا ولكن مجدي المنداس .. يبكّي كل من يسمع أخباري وينظر بعينه[/JUSTIFY]

الشاعر / مشعل هدوان رشيد المصرب العنزي


أضف تعليقاً